ಯುಗಾದಿ ಬಂತು ಯುಗಾದಿ
ನಮ್ಮ ಹೊಸವರ್ಷ ಯುಗಾದಿ
ಕಟ್ಟೋಣ ಮಾವು ಬೇವಿನ ತೋರಣ
ಶೃಂಗಾರ ಮಾಡೋಣ ಮನೆ ಆವರಣ
ಉದುರಿ ಹೋದವು ತರಗಲೆಗಳು
ಚಿಗುರಿ ಬಂದವು ಹಸಿರೆಲೆಗಳು
ಬಿರಿದರಳಿ ನಗುತಿವೆ ಬಣ್ಣದ ಹೂಗಳು
ಸೆಳೆದೆಳದಿವೆ ಭೃಂಗಗಳಿಂಡನು
ಚೈತ್ರಮಾಸದ ಹಸುರಿನ ತೇರಿನಲ್ಲಿ
ತರುಗಳಲ್ಲಬ್ಬಿದ ಹೂತೊಂಗಲಲ್ಲಿ
ಬಿಸಿಲೇರಿದ ತಿಳಿಬೆಳಗಿನ ಹಾದಿಯಲ್ಲಿ
ಬಂದಿದೆ ನೋಡು ಹೊಸವರ್ಷ ಯುಗಾದಿ
ತಣ್ಣನೆ ಸುಯ್ಯುವ ಸುಳಿಗಾಳಿಗೆ ತಣಿದು
ಕುಹೂ ಕುಹೂ ಎಂದಾಡಿದೆ ಕೋಗಿಲೆ
ಸೂಸುವ ಕಂಪನು ಹೀರುತ್ತ ಜೋರು
ಝೇಂಕಾರ ಹೊಮ್ಮಿಸಿದೆ ದುಂಬಿಯ ದಂಡು
ಬೇವು ಬೆಲ್ಲವ ಬೆರಸಿ ಮೆಲ್ಲುತ
ಕಷ್ಟ ಸಹಿಸುತ ಸುಖವ ಅರಸುತ
ಜಟ್ಟಿ ಬಾಳನು ಗಟ್ಟಿಸಿ ಬಾಳಿರೆನುತ
ಬಂದಿದೆ ಸೊಗಸ ಹೊಸವರ್ಷ ಯಗಾದಿ
ವರ್ಷಕೊಮ್ಮೆ ಮರಳುವುದು ಯುಗಾದಿ
ಹಸಿರಲ್ಲಿ ಬೀಗುತ ಕಂಪಲ್ಲಿ ಮೀಗುತ
ತುಂಬಿಸಿ ಎಲ್ಲರಲು ಹೊಸತು ಸಂತಸ
ಭಾವಕ್ಕೆ ಸಿರಿಯನ್ನ ಬೆರೆಸಿರೆನ್ನುತ
** ಕುಕು...
April 08, 2008
** ಯುಗಾದಿ ಬಂತು ಯುಗಾದಿ **
Subscribe to:
Post Comments (Atom)
No comments:
Post a Comment