ಗುಬ್ಬಚ್ಚಿ-ಗೂಡು

ಗುಬ್ಬಿಯಾಗಿ ಆಕಾಶದೆಲ್ಲೆಲ್ಲ ಹಾರಾಡಬೇಕೆನ್ನುವ ಆಸೆ..ಆದರೆ ಪುಕ್ಕಗಳಿಲ್ಲ ಪಕ್ಕದಲಿ.ಹಕ್ಕಿಯಂತೆ ಹಾಡಬೇಕೆನ್ನುವ ಹಂಬಲ ಹಾಡಿದರೆ ಕೇಳುವವರಿಲ್ಲ. ಪುಕ್ಕ ಇಲ್ಲದಿದ್ದರೇನಂತೆ ಭಾವವಿದೆ,ಮನಸ್ಸು ಬಿಚ್ಚಿ ಭಾವತುಂಬಿ ನಭೋಮಂಡಲ ತುಂಬಾ ಹಾರಿ ಬರುವೆ,ಗುಬ್ಬಚ್ಚಿ ಜೊತೆ ಮಾತಾಡಿಬರುವೆ.ಚಿಗುರೊಡೆದ ಭಾವನೆಗೆ ಪದರೂಪ ಕೊಟ್ಟು ಹಕ್ಕಿಯಂತೆ ಹಾಡಿಬಿಡುವೆ.ಕೇಳಿಕೊಂಡವರು ನೆಚ್ಚಿಕೊಂಡರೆ ನಲಿಯುವೆ.ನನ್ನ ಭಾವಕ್ಕೊಂದು ಪದರೂಪ ಕೊಟ್ಟು ಈಗ ನಿಮ್ಮ ಮುಂದೆ ತಂದಿರುವೆ ಮುಂದಿನದು ನಿಮ್ಮ ಸರದಿ. `~ ಕುಕೂ ~~

June 27, 2008

ಚಿನ್ನ ಚಿನ್ನ ಹನಿ-02

** ತೊರೆ **

ನಿನ್ನ ದ್ವೇಷದ
ತೊರೆಯ ತುಂಬಾ
ಧುಮುಕಿ ಹರಿದಿದೆ
ನನ್ನ ಒಲವಿನ
ಸೆಲೆ

** ಬಿಂಬ **

ನಿನ್ನ ಸೇಡಿನ
ಬಿರುಗಾಳಿಗೆ
ಕದಡುತಿದೆನ್ನ
ಕಂಗಳ ಕೊಳದ
ಕನಸ ಬಿಂಬ

**ಚಾಪ **

ವಿರಸ ದ್ವೇಷಗಳ
ಕಾರ್ಮೋಡದಲ್ಲಿ
ಕಾಣಿಸುವುದೆನಗೆ
ಬರಿ ನಿನ್ನ
ನಗೆಯ ಚಾಪ

** ನಂಬಿಕೆ **

ಮುನಿಸು ಮುಳ್ಳಿನ
ಬಲೆಯನ್ನು ಸೀಳಿ
ಅರಳದಿರುವುದೇನು
ನಮ್ಮಿಬ್ಬರ ಕೆಳೆ ಗುಲಾಬಿ

ಕೆಳೆ-ಗೆಳೆತನ

** ಪ್ರಶ್ನೆ **

ಕಷ್ಟ ಕಾರ್ಪಣ್ಯಗಳ
ತೆರೆಯಲ್ಲಿ ಈಸಿ
ತೃಪ್ತಿ ದಾಯಕ
ತೀರ ಸೇರುವುದೇ
ಬದುಕೆ?

ಕುಕೂಊ...